DODANNIYAR KUKA

DODANNIAYAR KUKA

A dajin Kalgo da ke Kasar Gobir akwai wata shu'umar bishiyar kuka da mutanen yankin su ka sanywa suna Dodanniyar Kuka. Wannan bishiya bishiya ce mai ban tsoro da kallonta. Tsofaffi sun shaidawa jikokin su cewa su ma kakaninsu sun fada musu cewa wannan bishiyar tafi shekara duba bakwai. Ko ina jikinta jijiyoyi ne daga sama har kasa. Sannan wasu lokutan akan ga wani ruwa kamar jini ya na kwaranyowa daga jikin jijiyoyin nan nata.

Dayawa mutane ba su san asalin abinda ya sanya ake ganin wannan jinin ba sai dai mazauna wajen su na da camfe-camfe iri-iri akan wannan dattijuwar bishiyar. Wasu sun ce mayu ne ke anfani da ita wajen shaye ko tsotse jikin duk wanda ya je kusa da ita. Wasu kuma su ka ce ai dodo ne a cikinta da ya ke fitowa tsakar dare domin dauke mutane ya shige da su cikinta ya cinye su. Wani bangaren kuma su ka ce ai muggan iskokai ne a cikinta kasancewar daman ai bishiyar kuka ce. Da dai sauran irin wadannan tatsuniyoyi da camfe-camfe da aka gada tun iyaye da kakanni.

Bayan an dauki dubban shekaru ana tsoron dodanniyar bishiya da kuma daukar da wasu ma su ka finga yi mata a matsayin abar bauta ne sai aka turo wani baturen gona daga birni zuwa Kasar Gobir. Bayan da ya sami wannna labari ne ya ce wa sarkin garin a bashi dama ya je ya yi bincike na kimiyya akan wannan bishiya. Da farko dai sarki ya yi kokarin hana shi don tsoron kada wani mugun abu ya same shi hukuma ta zo ta na tuhumar masa. Amma daga baya bayan ya ga wannan baturen gina ya dage sai ya bashi daman.

Baturen gona ya debi kayan aikinsa ya zuba a cikin wata jakar rataye ya nufi daji cikin rakiyar wasu amintattun fadawan sarki guda uku. Shi kan sa Baturen gona sai da ya ji tsigar jikinsa ta yi wani yarr yayinda ya kalli Dodanniyar Kuka daga nesa. Har ya yi niyyar ya koma amma sai ya tuna yanda ya dinga yi wa sarki kurari da ilimin kimiyya sai wata zuciyar ta ce masa: "kai tsaya kada ka baiwa maxa kunya mana." Haka nan dai Baturen Goma ya yi ta maza ya dakata. Bayan ya karbi jakar sa ta kayan aiki. Ya dan yi wasu aune aune sai ya gano cewa wannan bishiya tana daya daga cikin nau'in shuke-shuken nan ne masu cin nama. Eh cin nama mana. Domin su wadannan nau'in bishiyoyi bayan ruwa da iska da haske su na sarrafa sinadaren da su ke samu daga kwari da yan kananun dabbobin da su ke cafkewa a matsayin abinci misamman lokacin fari 

Wannan binke ya zamo babban cigaba a gannin ilimin kimiyya kuma mutane da fama suna zuwa wannan daji na Kalgo domin yawan bude idanu da kuma nazarin kimiyya akan Dodanniyar Kuka

Comments

Post a Comment

Popular posts from this blog

KYAN ƊAN MACIJI

Image
KYAN ƊAN MACIJI Akwai wata kyakkyawar yarinya a garin Ƴan Kwaɗi mai matuƙar jiji da kai da raina mutane sabida ganin kyawun da Allah ya yi ma ta. Tun da aka haifeta aka ga irin zubin da Allah ya yi ma ta mahaifiyar ta ta sanya mata suna Tafisu. Har wata waƙa ta ke yi mata ta na cewa "Kin fi su kin fi sauran mata Kyawu gare ki ya fi kwatanta Mai aurarki sai fa wanda ya huta Kai koma da baya hannu kanta" Tun Tafisu ba ta san me ake nufi da wannan waƙar mai haɗe da kirari ba take jin matuƙar daɗi da alfahari a duk lokacin da mahaifiƴarta ta ke rera mata wannan waƙar. Duk ƙawayenta ta mayar da su ne kamar wasu barorint ko ƴan kore, kai, hatta waɗanda ma su ka girme mata a shekaru ta raina su domin kuwa har ta na iya aikensu duk sanda ta ga dama kuma dole su je saboda kwatjinin da Allah ya bata da kwaɗayin cigaba da zama a cikin muƙarrabanta. Idan ta raina yarinya kuwa ta na zuwa waje sai ta ce ita wari ta ke ji kuma ta dinga toshe hancinta. Haka nan duk sauran ƴan kanzaginta su m...
Read more

RIJIYAR DUDDURU DA TA AFKAU

Image
RIJIYAR DUDDURU DA TA AFKAU Ga ta nan ga ta nan ku! An yi wata kyakkyawar yarinya marainiya mai suna Tamasu a garin Yalwan Tumbau. Ta na da shekaru bakwai ne mahaigiƴarta ta rasu. Kafin rasuwar mahaifiyarta sai da ta yi mata wasiƴya da cewa duk abinda za ta aikata ta fara zuwa wajen wata bishiƴar tsamiya ta tambayeta tukuna  Mahaifiƴar yarinyar nan ta ma da kishiya mai wani irin baƙin kishi. Tunda aka auro mata marigayiyar a matsayin kishiya ta sanya mata karan tsana. Ta kasance ta na da ƴaƴa mata guda biyu sangartattu. Kai lokacin da mahaifiyar Tamasu ta haifeta ko barƙa ma ba ta iya yi mata ba duk da tsananin wahalar da ta sha a wajen naƙuda. A na nan ana nan har Tamasu ta fara iya rarrafe. Idan ta rarrafa wajen ɗakin kishiyar mahaifiyar tata sai kawai a jiyo ta tsandara kuka. Wata rana uwar ce ke muntsininta ko mugun kallo mai tazana yara, wata rana kuma ƴaƴan na ta ne su ke yi wa Tamasu mugunta da ƙeta iri-iri.   A lokacin da mahaifiyar Tamasu ta fuskanci abinda ke fa...
Read more

IYAMMU

Image
IYAMMU Hajiƴa Iyammu wata tsohuwa ce wadda ke da kyakkyawar zuciyar rainon yara mata marayu kuma tsayawa akan karatun su da tarbiyyar su. Ta raini yara masu tarin yawa kuma har zuwa kayan ɗaki da gara ta ke yi musu idan an ta shi aurar da su. Saboda shekarunta ne kowa ya ke kiranta Hajiya Iyammu. Ta kan shiga lamarin duk wasu waɗanda ta fuskanci suna cikin buƙata a gidajen maƙobta da ma waɗanda ta samu labarin su waɗanda ke nesa da ita. Allah mai ikonsa duk gwagwarmayar rayuwa da aure auren da ta yi Allah bai nufa zata samu ɗa ba ballantana ma jika a rayuwarta. Wannan ya sanya ta cigaba da ayyukan alheri da duk dukiyar da ta mallaka domin kuwa idan ta bar su ma ba ta wani tartibin magaji sai dai a dangin dangiro na can nesa. Tun lokacin da ta ke da jininta a jika ta ke harkar safara zuwa ƙasashen Kurmi. A can ne ta ke saro murjani da sauran duwatsun da ake samowa daga teku ta kawo su nan Arewa domin sayarwa ga ƴan kasuwar shinku da ke neman su ruwa a jallo saboda manyan sarakuma da att...
Read more