GATSORIYA MAI CIZON YARA

GATSORIYA MAI CIZON YARA

Ga ta nan ga ta nan ku!
Wani yaro dai dai wani yaro ne dai da ake ce masa Gatsoriya saboda ya da zako zakon hakoran gaba. Sunan sa na gaskiya dai Garbati.  Tun ya na karamin yaro ya ke cizo mutane. Kai hatta Innarsa ma ya na wata shida tabyaye shi domin yada kwallon mangwaro domin ta wuta da kuda.
Garbati ko na ce mu ku Gatsoriya bai bar wannan dabi'ar ta sa ba har ya kai shekara hudu. Wata rana ana bikin dangi na yan maza zar har aure uku a gidan su na yawa. Sai wata Goggonsa ta lura da yanda Garbati Gatsoriya ya ke addabar yayan jama'a da cizo. Sai da ta kai duk iyayen yaran da su ka hango Gatsoriya sai su fara sungume yayansu suna goyewa don gudun kada su sha cizon Garbati Gatsoriya.

Bayan an dauki lokaci wannan Goggon na sa ta lura da yanda Garbati ya zama dodo abin tsoro ga yara da ma iyayen yaran. Sai kawai aka ga ta famko hannun Garbati ta ganyara masa cizo bayan da ga ya ciji wata yar afiruwar yarinya ta goye har sai da shatun hakoran nasa na gaba masu kama da garma su ka fito a dan mitsitsin hannun yarinyar nan. Nan take kuwa kallo yan koma sama. Kowa ya dawo ya na kallon Goggo Giwa ta na huci. Shi kuwa Garbati Gatsoriya sai faman rusa kuka ya ke yi tunda daman ance wanzami ba ya son jarfa.

Yayinda Goggo Giwa ta ga wasu matan suna wasu yan gunaguni sai ta daga murya ta ce: "Shari'ar cizo--cizo! Kuma Wal ciza bil cizi haka ma aka ce a karatun hadishi." Ai kuwa nan da nan kowa ya goyi bayanta aka cigaba da tattauna batun ana raha. Daga wannan lokaci ne fa duk sauran yayan jama'a su ka samu su ka sake a gidan bikin nan. Kowane yaro ya saki jikinsa ya na wasa da dan uwansa ba tare da tsoron farmaki daga Gatsoriya ba.

An ce tun daga wannan rana dai Garbati Gatsoriya bai kuma cizon kowa ba. Kai har ta kai ma baya barin wani yaron ya yi cizo a gabansa domin da zarar ya hangi wani yaron ya wawuro hannun wani zai gasa masa cizo sai janyo Larabcin nan na hadishin Goggo Giwa cikin tsamin baki irin na sa na yarinta ya ce:
"Goggo ta ce: Bil chijo bil chijo!"

Kurunkus!

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more