GILLARI GIRBAU SARKIN KARYA

GILLARI GIRBAU SARKIN KARYA

Liti wanda yanzu kowa ya fi sani da Girbau ya kasance mutum wanda ya shahara da ƙarya a garin Farin Duma. Ya soma wannnan mugun hali na sa ne tun ya na matashi. A halin yanzu kuwa  ya haura sheka saba'in amma kullum abin sia gaba ma ya ke yi ba baya ba.

Ya na da iyalai har da jikoki da ƴaƴan jikoki amma har jikokin sa sun san lokutan da ya ke sakin baki ya girbota, to abin ka da sabo wai gawa da gatsine. Duk lokacin da ya ji jikokin nan nasa, cikin zolaya sun ce: "Allah ko Kaka?" To fa ya girba abar tasa kena wato dai ƙarya. Wasu lokutan ya kan sha jinin jikikln sa da zarar ya ji sun fadi waccan kalmar, amma sai ya ɓuge da borin kunya ya na cewa: "To ku na nufin na yi abar kenan ko?"Amma sau tari idan labarin ya yi masa daɗi to baya dakatawa sai ya kai ƙarshe.

Yana cikin wannan hali na sa ne har aka zo lokacin da za'a yi naɗin wasu sabbin muƙamai a masarautar su ta garin Farin Duma. A wannan lokaci ne sarkin garin ya sa aka naɗa masa sarautar Sarkin Ƙarya. Ya kasance kuma ya kan je fada wasu lokutan domin shirgawa sarki da jama'ar fada labarun ban dariya ma su cike da zulaƙe da shaci-faɗi. Wannan abin ya na baiwa sarki da makusantansa matuƙar nishaɗi da ɗebe kewa.

Lokacin da shekarun sa su kai kai wajen tamanin da biyar sai wani mashahurin malami kuma sharifi ya sa aka kirawo ma sa shi ya je har gidan sa ya yi masa wa'azi mai yawa kan illar ƙarya. A wannna lokacin sai da gemun Girbau ya jiƙe sharaf da hawaye sabida yanda wa'azin nan ya shige shi. Tun daga wannan ranar ce fa Girbau ya yanke shawarar ajiye wannan muƙamin nasa na sarkin ƙarya yayinda daga bisani ya koma ladanin masallacin unguwar su har zuwa lokacin da Allah ya karɓi rayuwarsa ya na ɗan shekara dari ba daya.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more