KALELE BARBAƊIN TUSA

KALELE BARBAƊEN TUSA

Ga ta nan ga ta nan ku!

Akwai wani yaro mai wata mummunan al'ada ta sakin tusa a cikin jama'a ba kan gado mai suna Kalele. Ya kasance ya na aikata wannan abu tun ya na ƙarami. Wasu lokutan idan aka zauna da shi  har sai ya kumburawa duk waɗanda ke wannan wajen cikin da warin tusar nan da ya ke gunsurawa.

A lokacin da yara ƴan uwan sa su ka fuskanci ya na illata su, sai duk aka daina zama  a inda ya ke ko kuma da zarar shi ya zo cikin yara ya zauna, duk sai kowa ya watse. Wannan abin ya na damunsa amma ya rasa mafita.

Ana haka har ya zama saurayi. Duk sauran tsaraikunsa sun samu ƴan mata har magana ta kai ga manya ana shirye shiryen aure, amma shi duk wajen yarinyar da ya je sau ɗaya ba ta yarda da ƙara fitowa ta biyu saboda yanda ya ke sakin abar ta sa ba kan gado kafin su gama taɗi.

Ana cikin wannan hali ne sai aka yi wani baƙon wamzami mai bayar da mugunguna. Ya cire kunyarsa ya je ya yi wa wanzami bayani dalla-dalla. Sai wanzam ya ce da shi ga wasu magunguna na sha da na hayaƙi, sannan kuma ya ba shi shawarar kan cewa ya dinga yawan shan ruwa sannan ya tabbatar kullum ya na shiga magewayi a ƙalla sau ɗaya a rana kuma ya dinga tabbatarwa ya gama biyan buƙatarsa tsaf  kafin ya gaggauta yin tsarki ya fito. Haka nan kuma wanzam  ya ƙara masa da cewa kada ya kuskura ya ƙara sakinta sasakai a cikin jama'a. "Da zarar ka ji alamun fitar ta, to ka yi hanzari ka bar wajen ka yi nesa da jam'a sannan ka yi. Idan kuma ka san cewa ka ci wani abu da kasan ya kan ɓata maka ciki, to sam ka da ka shiga cikin tarukan al'umma a wannan ranar." Wanzam ya ƙarasa masa bayinin cikin tausawa da kulawa.

Bayan Kalele ya fara anfani da waɗannan shawarwari na wanzam ne aka nemi wannan lalura ta sa sama ko ƙasa aka rasa, domin kuwa yanzu kowa ya na iya sakin jiki da shi ayi mu'ala mai daɗi kuma cikin dafin rai ba tare da ƴa gunsuro abar nan tasa da aka san shi da ita a baya ba.

Sai dai kuma tarihi ya adana mana wannan sunan nasa ga shi nan har yanzu yaran da ma ba su san wannan labarin ba suna jin sunan na sa ƙarshen waƙar Najajjeni Gidan Gwauro........

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more