KARE MAI GEMU

KARE MAI GEMU

Gata nan gata nan ku!
A yankin Bakin Kasuwar Kurmi da ke gefen Kogin Jakara a Kasar Kano an yi wani kare mai ban al'ajabi da kuma ban tsoro. Shi dai wannan karen duk dan shekara tamanin zuwa sama ya san shi. Imma dai shi ma ya taba ganin sa ko kuma ya ga wanda ya taba kacibis da shi a cikin matsa masu yawon dare 

Kare ne mai ban mamaki wanda ya ke yawo a kewayen kasuwar domin hana bata gari aikata mummunan aikin fasa shaguna da sauran laifukan bata gari  Wadanda su ka ga wannan karen sun tabbatar da cewa ya na yin magana kuma wuyansa daure ya ke da wata irin murtikekiyar sarka ta bakin karfe har ta na jan kasa. Duk sanda ya fito makotan yankin kan ji karar wannan sarkar da ke wuyansa tana jan kasa kachacharr-kachacharr-kachacharr! Dattawa da matasan wancan lokacin sun kasance idan sun gama da shi su na yi masa sannu ko su gaishe shi kuma shi ma ya na amsawa cikin mutuntawa. Babu wanda ya ke nufar sa da wani mummunan abu shi ma haka nan ya ke zaune zaman amana da jama'ar yankin 

Bayan da shekaru su ka lula ne, sai yaran zamani da su ka sami labarin wannan kare ya na fitowa da dare su ka dinga zama har sai lokacin fitowar sa ya yi domin kawai su dinga tsokanarsa su na jifansa. Duk sanda ya fito sai su dinga tsokana su na cewa: 'Kolo ne! Kolo ne!" Da farko farko dai ya kan ba su amsa da cewa: "Gyatumin ku ne kolo!" Amma da ke ya hadu da yaran zamani kamar ma kara zuga su ya ke idan ya mayar musu da martanin. Sai kawai ya ga sun cigaba da jifa da eho. Wadannan dalilai su ka sanya dole ya hakura ya daina fitowa 

Bayan wannan kare dan amana ya daina fitowa ne sai kuma sace sace a gidaje da fasa shagunan kasuwa da barna iri-iri su ka dinga faruwa a yanki da kewayen Bakin wannan tsohuwar kasuwa mai tarihi ta Kurmi. Manyan dattawa su ka tambaya shin ana ganin Kare mai Gemu kuwa yanzu? Duk jama'ar da ke wajen su ka tabbatar musu da cewa ai matasa marasa ji ne su ka dinga jifan sa da tsokana yanzu dai sama da watanni shida kenan ba'a kara jin duriyarsa ba. Wadannan dattawa su kai bakin ciki sosai kuma su ka nuna bacin ran su game da wannan abu da yaran su ka aikata. 

Wani dattijo da ya kasance ya girmi kowa a wannan kewayen ya tabbatarwa da jama'ar da su ka taru cikin takaici da alhini cewa: "Wannan karen kakana ma yace haka su ka taso su ka tarar da shi. Ba ya cutar da kowa sai ma kokarin  kare jama'a da dukiyoyin su. Yanzu ga shi wasu tsirarun tsageru sun korar ma na shi."
Haka nan dai kowa ya dinga Allah wadai da wadannan matasa ma su kunnen kashi.

Kurunkus.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more