MAGANA MAI.DAFI

MAGANA MAI DAFI

"Kullum ku kasance ma su kyakkywan lafazi yayinda kuke magana domin wannan ma sadaƙa ce inji Manzo ASW"  Wannan shi ne abinda Ilu ya tarar liman ya na faɗa akan minbari yayinda ya iso masallacin Juma'a. Bayan ya sami waje ya zauna ne sai ya yi tagumi kuma ya tsunduma cikin tekun tunani.

"Ilu! Ilu! Ilu! Ka tashi za'a tayar da sallah fa!" Cewar mutanen da ke kusa da shi a sahun sallar Juma'a. Ba shiri Ilu ya tashi ya je ya sake ɗaura al'wala ya zo ya riski sallah. Bayan an idar da sallar nan fa aka dinga tambayar Ilu dalilin da ya sa ya fita hayyacin sa lokacin da ake yin huɗuba har sai da kamar hankalimsa ma ya gushe.
 
Anan ya kada baki ya ce musu shi ya kasnace dan garin Tsaunin Ƙunci ne kafin ya tawo birni karatu da kuma nema. Bayan ya kammala karatu ne ya fara sana'oi har ya zama ya mallaki gida a birni. 

"Na kasance mai yawan faɗawa mutane baƙaƙen maganganu duk lokacin da su ke tattauanwa da ni. Sanadiyyar hakan ne na rasa yawncin abokan da mu ka taso tare da su a ƙauye. Wasu ma sai da mu ka yi faɗa sannan mu ka rabu, wasu kuma da su ka ga take take na na kwakkwaɓa magana yanda na gadama su ka fita daga cikim al'amurana." Ilu ya cigaba da bada labari cikin alhini. 

"Na zamo tamkar mujiya a cikin tsuntsaye kowa sai gudu na ya ke yi." Inji Ilu. "
Ban taɓa tunanin cewa rashin iya furta kalamai masu daɗi kan iya janyo wannan taɓarɓarewar alaƙar ba tsakanina da makusanta da maƙota da kuma abokai na ba. Sai yanzu da na ji huɗubar liman ta ratsa ni shi ne duk na fita daga hayyaci na." Ilu ya cigaba da ba su labarinsa har ya fara kwalla a daidai wannan lokacin.

Ya ƙara da cewa: "Akwai babban amini na ɗan uwa kuma maƙocin da tare ma aka yi ma na  shayi amma sai dai mu ka yi baram-baram da shi kafin na baro kauye." Jama'ar da su ka taru duk su ka jajantawa Ilu kuma wasu su ka ba shi shawarar cewa tunda dai yanzu ya gane gaskiya, kuma ya na son ya gyara abubuwan da ya ɓata to dole sai ya fari daga can Tsaunin Ƙunci wato ƙauyen su.

Ilu ya koma gida domin sasantawa da ƴan uwa da abokansa tun na ƙuruciya. Kowa ya gani sai ya kira sunan sa cikin fara'a ya rungume ahi cikin nuna ƴan uwnataka da kulawa. Kowa sai buɗe baki ya ke ya na mai mamakin wannan gagarumin sauyi da ya samu Ilu rana tsaka. Bayan ya kwana biyu a garin sai ya sa aka shriya walima ga duk jama'ar sa da suka ɓata kafin ya je bitni. Ya nemi afuwar kowa da kowa kuma kowa ya yafe masa cikin murmushin da sakin fuska.

Tun daga wannan lokaci dai Ilu bai kuma faɗar magana ba haka sasakai sai ya tauna ta a bakinsa kafin ya furta. Haka rayuwarsa ta inganta cinikin sa a kasuwa ya ƙaru sakamakon iya zama da magana da jama'a sai da aka dawo kiran sa da sunan 'Ilu kowa na ka.' Shi kuma sai ya ce: "Banda munafuki da ɓarawo!" Sai kowa ya bushe da dariya.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more