MAI ƘIRINIYA

MAI ƘIRINIƳA

Shawai yaro ne mai rawar kai da ƙiriniya wanda ko  yanzu mutum ya fara ganinsa sai ya fahimci hakan daga gare shi. Shi ko irin baƙuntar nan da yara su ke yi idan sun je baƙon waje ba ya yi. Ya na zuwa wajen duk sai kowa ya san shi kuma sai ya gallabi kowa da raahin ji. 

A lokacin da ya ke rarrafe ya taɓa janyo risho da girkin kan gaba ɗaya a jikinsa. Ya samu, inda wuta ta kama rigar sa ga kuma ƙunan da ya samu daga abincin da ke kan tukunyar. Ya samu munanan raunukan kuna a wancan lokacin amma abin ka da yaro ya na warkewa ya ɗora daga inda ya tsaya. A haka mahaifiyar sa ta taso cikin kaffa kaffa da shi don gudun ƙada ya illata kansa ko kuma wani ta hanyar wannan karambani da ƙiriniyar tasa.

Bayan ya kai shekara shida ne wata rana yana ciwon kunne sai mahaifiyarsa ta kai shi asibiti. Bayan an duba shi sai likitan ya lura duk da cewa ya na fama da ciwon kunnen amma wannan bai hana shi taɓe taɓe da karanbani ba a ofis ɗin sa. Sai ya tanbayi mahaifiyar cewa : "Shin tun yaushe ya fara hakan?" Sai ta ce masa: "Ai ina ga fa tun yana ciki ma ya fara. Domin ita bata taɓa samun cikkn yaro mai yawan motsi da zuruftu kamarsa ba." Likitan ya ɗanyi murmushi ya ce to wannan dai ba wani abin damuwa ba ne. Adinga dai ba shi kulawa ta musamman sannan a dinga kawo shi ya na ganin likita.

Likita ya ce: "A wajen likitoci ƙiriniya dai wata wata cuta ce da ke sanya yara da ma wasu daga cikin manyan kasa mayar da hankali kan abu guda da kuma rage sakar kuzarinsu ko ina barkatai. Akwai magunguna da shawarwari da za'a cigaba da baki bayan wasu lokuta duk zai daina, musamman idan an bi dokakin da sharaɗan abubuwan ma da zai dinga ci ko sha.zuwa wani ɗan lokaci.

Haka nan kuwa mahaifiyar Shawai ta dinga kawo shi ana bata shawarwari da wasu ƴan magunguna. Bayan wasu ƴan watanni duk sai abin ya fara janyewa a hankali. 

Kafinnan likitan ya faɗa mata cewa: "Ni ma na samu yarona  na cikins  na mai matsananciyar ƙiriniya. Har wata rana ma ya shiga cikin injin wanki da kyar aka zaro shi. Wata rana kuma ya shige ciken friza mai rijiya wai duk kawai don neman wajen ɓuya a lokacin da su na yin wasan ƴar burumburum da sauran ƴan uwansa. Allah ya sa dai anyi saurin ganinsa a lokacin da tuni ya zama kifi sadin". Likita ya ƙarasa faɗa cikin wata murya mai cike da raha da kuma kwantar da hankalin mahaifiyar Shawai.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more