MAI KUKAN WANKA

MAI KUKAN WANKA

Gata nan ga ta nan ku!
A zamanin Sarkin garin Tugoru wanda ake kira Tankwa III ne aka haifi wani yaro mai suna Inuwa Na Najatau. Ana kiransa Na Jatau ne kasancewar sunan mahaifinsa Jatau kuma shi ne dan sa na fari. Tun ya na dan jariri baya kaunar wanka. Da an dauka kuriciya ce irin ta wasu yaran. Amma abin ya dinga gawurta har zuwa lokacin da ya cika shekara takwas bai daina kukan wanka ba.

A duk lokacin da aka ce ya yi wankan da kan sa kuma nan ma sai ya shiga bayi ya shekar da ruwan ya ce wai ya gama. An yi masa wakoki da ature iri-iri na mai kukan wanka amma ina abu sai gaba ya ke yi. Na Jatau a lokacin da aka haife shi jajur ya ke kamar tsada, amma zuwa lokacin da ya kai shekara takwas ya yi wani jurwaye da waskane da kirci kamar wanda aka tono daga rami.

Saboda tsabar rashin son wankan Na Jatau har sai da ya zama ya fara wari duk inda ya shiga ana kau da kai ga masu jin kunyar sa kenan. Amma wadanda su ke babu wata kara tsakanin su kai tsaye su ke toshe hancin su a gabansa.

Bayan ya zama saurayi ne dan kimanin shekaru goma sha biyar abokansa su ka shirya masa lalata. Sai da su ka bari watan Azumi ya kai kwana goma Na Lako ya cire tuga har ya zaga gari da yamma. Dare na yi sai su ma su ka samo tandu da talle su ka tufka wata murtikeniyar igiya inda su ka je gidan su Na Jatau aka sa aka yi sallama da shi. Gitowarsa ke da wuya kawai matasan nan su ka zarga masa igiyar nan a wuya su ka bade fuskar sa da bakin tukunyar da aka dama shi cikin man kafanya hade da toka. Su ka jawo da karfi zuwa waje suna kida su na yi masa wata waka mai ban takaci ga wanda ake rerawa ita:

Me kukan wanka,
Na Jatau
Yai girman banza,
Na Jatau
Ba ya son wanka
Na Jatau
Ya yi bakikkirin
Na Jatau
Sai faman wari
Na Jatau
Me kukan wanka
Na Jatau
Me kukan wanka
Na Jatau

Haka nan matasan nan su ka zagaya duk cikin garin Tuguro da abokin su Na Jatau. Ana kida ana waka shi kuma ya na ta sheka gursheken kuka ya na sussunkuyar da kai. Hakika idan ran Na Jatau ya yi dubu rannan ya baci. Ya shiga damuwa da kunci fiye da inda kowa ya ke iya tsammani.
Wannan abinda yan uwansa matasan abokan sa su ka yi masa sai ya zame masa gata, domin tun daga wannan ranar bai kara zama da kazanta ba. Kullum sai ya yi wanka akalla sau uku a rana. Kima ya na iya siyan turare komai tsadar sa. Wasu lokutan ma a wajensa tsaraikunsa ke ganin salon sabbin tufafin sawa, turare da sauran kayan ado da kwa'loya na kwalisa.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more