MAIRAMA ƘANWAR MAZA

MAIRAMA ƘANWAR MAZA Mairama yarunya ce wadda ke bin yan maza har bakwai a ɗakin su. Saboda haka da yawan mutane ke ce mata Dela. Mairamaa ta taso cikin maza. Tare su ke yin komai daga kan wasa har zuwa cin abinci da hira duk da ƴan uwanta maza ta ke yi kasancewa babu mata tsaraikunta a gidan da su ke wanda ya kasance gidan yawa ne. Bayan da Mairama ta kai shekaru shida ne sai mahaifiyar su ta lura da yanayin irin halayen ƴar tata. Ta kan yi ƴar dungure da alkafura kamar dai yanda ta ga yayyanta maza su na yi. Ta fi shaƙuwa da Ali wanda shi ne sakonta. Duk abinda ya yi na ƙiriniyar yan maza to tabbas kuwa sai ta gwada yi. Mairama ta iya keke ta iya dambe da kokawa da sauran wasannin maza dai kamar su langa da makamantansu. Kai hatta maganar Mairama ta rikiɗe ta zama gwangwaram kamar ta maza. Sau tari ba ta sha'awar ɗaura zani ko siket ma. Wannan ya sa yawancin kayanta ake ɗinka mata da wando ba zani ko siket ba domin kuwa ko an ɗinka zanin ma bata iya ɗaurawa ba. Mutanen unguwa kuwa da ba'a rasa ɗan adam da sa ido tuni har sun fara tsegumi da.gunaguni akanta. Sannu a hankali har magana ta fara dawowa kunnen mafiƴarta. Wannan abu na damun mahaifiyarta tsahon lokaci. Ana haka sai aka sami wasu sabbin maƙota da su ka tare kusa da su. Wannan maƙociya ta na da wata kanwarta da aka bata ita a matsayin ƴar zaman ɗaki mai suna Hasiya. Hasiya dai za ta yi kimanin shekaru ɗaya da Mairama. Anan ne bayan sun ɗan kwana biyu mahaifiyar Mairama ta je ta nemi su ƙullawa yaran na su ƙawance. Haka nan aka yi kuwa. Mairama da Hasiya su ka zama manyan ƙawaye. Wannan ya sauya rayuwa da halayen Dela wato Mairama daga na mace mai halin ƴan maza da kyakkyawar budurwa ƴar ƙwalisa. Tare su ka kpma yin komai daga cin abinci zuwa wasa har zuwa makaranta. Mahaifiyar Mairama ta yi matuƙar farinciki da wannan sauyi na nan taƙe da ƴar tata ta yi. Takan aika kyautuka tace a baiwa Hasiya inji Mairama suma kuma su ma aikowa da sunan Hasiya lr ce ta aikowa da Mairama. Wannan ya ƙara shaƙuwa da amintaka mai ƙarfi tsakanin su. Ba su taɓa yin saɓani wanda har aka samu mutum na uku ya san da shi ba. Tate su ke yi wa junan su uzuri. Idan ɗaya ta ɓatawa ɗayar za ta nemi yafiyarta a wuce wajen. Wannam ya cigaba har zuwa auren su inda su ka auri abokan juna da suka gina musu gida a unguwar Sabuwar Matan Ƙwarai da ke yamma da gari su ka zauna cikin jin daɗi da watada da ƙoshin lafiya.

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more