TSAHIRO TSAGE

TSAHIRO TSAGE

Tsahiro yaro ne mafaɗacin gaske. Duk sanda ya fita waje da riga sai ya dawo da ita a yayyage saboda tsabar dambe da shaƙa da faɗan da ya ke yawan yi har da matasan yaran da ma su ka fi shi a shekaru. Duk iyayen sa sun yi sun gaji. An yi masa addu'ar an bashi ruwan alwalar an bashi ruwan randar masallatai tara amma duk zuciyar sa bata risuna ba sai ma kara tsauri ta ke yi 

Tun yana ɗan shekara biyar ne kakarsa ta sanya masa wannan suna na Tsage. Lokacin da aka tambayeta: "Wai shin menene tsage ne Kaka? Sai ta ce: "Ai tsage wani irin mafaɗacin kifi ne wanda idan su ka fara faɗa har sai ɗaya yaga ɗayan ya mutu baya ko motsi sannan faɗan zai ƙare." Wannan mummunan suna dai tabbasa ya bi Tsahiro kuma ya na tasiri akansa tunda daman ance suna linzami.

Bayan da ya cika shekarun zuwa gabas ne aka ɗauke shi daga gaban iyayen sa aka kai shi tsangayar Malam Goni Bukar Ghana da ke can Gabas. Anan ma dai mai hali bai fasa halin nasa ba. Malam sai da ya gaji da kawo ƙarar sa da ake yawan yi. Malam ya yi nasihar shi ma har ya gaji.

 Wata rana bayan ya kai Malam bango sai malam ya sa aka samo ruwan Zam-zam lokacin da alhazai su ka dawo da ga aikin Hajji. Ya baiwa yara almajirai aikin rubuta Ya Halimu ya Saburu dubu sau dubu. Su na yi su na ƙirgawa su na wankewa da ruwan Zam-Zam a cikin wani babban daro. Sai da aka yi Laraba bakwai ana yin wannan aikin. Bayan da aka kammala ne Malam ya sanya aka samo akuya aka yanka aka yiwa Tsahiro aski aka raɗa masa suna Muhammadu kuma aka ce Malam ya tsine duk wanda ya ƙara kiransa da Tsage. Sannan aka ce ya yi Bismillah ya zauna ya sha ruwan nan. 

Ba ayi kwana uku ba Muhammadu (sabon sunan Tsaburu Tsage) har ya gama yin laushi. Yanzu  daga ya ga abu zai ɓata masa rai ma shi ne zai fara ba ka haƙuri ko kuma ya bar wajen gaba ɗaya. Haka nan ya mayar da hankali kan karatun sa. Kullum sai gaba ya ke yi har ya sami Alƙur'ani mai girma da karatu mai inganci da tilawa mai ƙwarin gaske. 

Lokacin da ya koma gidan ne ya sanar da iyayen sa cewa Malam fa ya sauya masa suna yanzu Muhammadu sunan sannan kuma an tsine kiran sa da suna Tsage. Mahaifansa sun ji daɗi aka yi masa walimar sauka tare da sanar da jama'ar gari cewa yanzu sunan sa ya koma Malam Muhammadu har aka sanya Sanƙira ya zaga gari duk ya sanarwa da babbar muryar nan tasa mai karaɗe gari.

Ƙurunƙus!

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more