MALAM MAI DARA

MLAAM.MAI DARA

Wata rana wani maharbi ya shiga jeji da bakar sa rataye a kafaɗa domin farauta. Ya sanya bunjuma taɓfarin saƙi da jar dara akan sa sanann kuma ya na goye da kibau a bayan sa. Bayan ya gama zagaya daji bai samu wani abinda zai iƴa farautowa ba sai ya hangi wata ƴar ƙaramar tsuntsuwa a kan bishiya.

Sai ya ce a ra sa " Bari na harbo tsuntsuwar nan ko.ɗan gasawa nayi na ci da dare." Bayan ya gama auna ƴar tsuntsuwa zai harba sai ya ji ta na yin wata waƙa ta na cewa:

Aauna ni a hankali
Malam mai Dara
Kar ka je ka yi rauni
Malam mai Dara"

Sai da ya gama auna ta sarai sai dai ya sake jin ta na cewa:

"Hahharbo ni a hankali
Malam mai dara
Kar kaje ka yi rauni
Malam mai Dara"

Yayimda ya ƙara kasa kunne sosai sai dai ya ji cewa tabbas da shi wannan ƴar tsuntsuwar nan ta ke yin wannan waƙar tata ba wai jin kunne ya yi ba. Har ya yi kamar ya fasa harbinta ya dawo gida abin sa, sai wata zuciyar kuma ta ce masa "Kai wane irin hatsabibin kwaro ne ma baka taɓa harbowa ba ballanta wannan ƴar ƙaramar ƙaruwar? Kai fa ɗan gaɗo ne gaba da baya ba wai ɗan haye ba!" Nan take kuwa sai maharbi ya biyewa wasiƙar da zuciyar sa ta dinga aika masa sai ya harbo ƴar fsuntsuwa nan a fusace.

Ya na zuwa zai ɗauke ta bayan ta faɗo kasa sai ya kuma jin ta na yin waƙa ta na cewa:

"Ɗaɗɗauke ni a hankali
Malam mai Dara
Kar ka je ka yi rauni
Malam.mai Dara"

Ya sunkuya ya ɗauka ya sanya a jaka ya tawo gida. Bayan da ya zo zai fige ta sai ya kuma jin ta na waƙa ta na cewa:

"Fiffige ni a ha kali
Malam mai Dara
Kar ka je ka yi rauni
Malam mai Dara"

Sai maharbi ya figeta. Hakan nan ma da ya zo zai feɗe cikin da kuma yayyankata da sassoyawa duk sai da ƴar fsuntsuwa da yi masa wannan waƙar. Bayan ya gama suya sai ƙamshin nama ne ya ke tashi sai ya ɗauko yajin daddawa ya ajiye a gefe ya zauna zaman harɗe ya ɗauki tsoka guda ɗaya zai jefa a bakin sa sai kuwa ya kuma jin tsuntsuwa ta na cewa:

"Ciccinye ni a hankali
Malam mai Dara
Kar ka je ka yi rauni
Malam mai Dara"

Sai kuwa maharbin ya yi wani dogon tsaki ya u
kuma jefa tsokar tsokar ƙirjin ƴar tsuntsuwa bayan ya ɗangwalo yajin sa na daddawa. Bayan da naman ya isa uwar hanjinsa sai ya cigaba da ci ya na wani karkaɗa kafa har ya dai ƙare tas. Ya kora da ruwa ya yi gyatsa.

Bayan wani ɗan karamin lokaci kawai sai aka ga cikin maharbi nan ya na kumbura ya na kara ɗagawa. Abin al'ajabi kafin a ɗau wani lokaci cikin maharbi ya yi tsantsar kamar randa haka nan ya yi ta murƙususu har cikin ya yi wata ƙara tussh ya fashe sai kuwa ƴar tsuntsunwa ta tashi daga cikin maharbin nan ta yi sama ta koma daji ta cigaba da rayuwa abinta daman ashe ta iska ce.

Ƙurunƙus!

Comments

Post a Comment

Popular posts from this blog

JUMMAI KUNYA

Image
JUMMAI KUNYA Ga ta nan ga ta nan ku! Wani yammaci wasu ƴan mata har su bakwai su ka je yin itace gefen gari. Waɗannan ƴan mata sune: Asabe, da Ladi, da Atine, da Talatu, da Larai, da Lami da kuma Jummai. Dukkannin su gidajen su maƙoftan juna ne. Bayan sun yi nisa a dawa ne har sun fara yin itace wasu ma har sun fara ɗaure na su, ai kuwa sai wani baƙin hadari ya gangamo daga gabas mai haɗe da iska. Tunda su ka ji sanyin ruwa a cikin hadarin nan su ka sha jinin jikin su cewa wannnan hadarin idan ya tsinke da ruwa sai wani ikon Ubangijin ne kawai zai tsayar da shi. Ai kuwa kafin su gama shawara ruwa mai ƙarfi ya kece. Nan fa su ka nemi wata ƙatuwar bishiyar kuka mai kogo su ka shige ciki. Bayan sun shiga kogon bishiyar kuka nan sun fake ne, kawai sai su ka dinga jin ƙasa ta na motsi. Ashe dodo ne ya zo daf da wannan bishiya ya zauna ya jingina bayansa a daidai ƙofar fita daga wannan kogon bishiyar. Nan fa wannan kogon ya ƙara yin duhu dinɗum ta inda babu mai iya ganin ko da tafin hannunta...
Read more

ƳAR BORA DA KIFANYA

Image
YAR BORA DA KIFANYA Wata yarinya ce ta taso a gidan da aka mayar da mahaifiyarta bora, duk wani aikin wahala na gidan da ita da mahaifiyarta ne su ke yin sa ga tsamgwama.ga kuma makirci. Yayinda ita kuma Mowaa da ƴaƴanta suna kwance ma ake kai musu abinci bayan an gama. Ana cikin wannan hali, wata rana sai mai gidan ya sayo kifaye daga wajen masu su mai tarin yawa. Ya na kawowa ya ajiye sai Mowa ta ce da ƴar bora cikin isa da mallaƙa "Ɗauki kifayen nan ki je rafi ki wanko mana su tatas kuma na riga na ƙirga su, idan na ga babu guda ɗaya sai na lahira ya fi ki jin daɗi" Kasancewar lokacin ɗari ne, Jikin yarinya na karkarwar saboda ɗari da kuma ta tsoron faɗan maƙetaciyar kishiyar mahaifiyarya, ta ɗebi kifi ta tafi rafi. Ta na cikin wanke kifi ne kawai sai ta ga guda ɗaya ta tashi da rai har ta na yi mata magana ta na cewa " Ƴarinya ki dubi Allah ki bar ni na je na shayar da ariraina a cikin ruwa amma na yi miki alƙaearin zan komo" Yarinyar ta saki kifanya a ckin ruwa...
Read more

Saƙa Da Zare Ɗaya

Image
Saƙa da Zare Ɗaya A tsohon birnin Kano, a wata unguwa da ƙarar shurin masaka da karafniyar allira ke tashi dare da rana, an yi wani matashi mai suna Bashir. Yana da burin ya zama gwani a harkar saƙar da ya taso yaga mutanen yankim duk suna yi. Yana son zama.cikakkem ƙwararre kamar malaminsa, Alhaji Tanko, wanda hannunsa ya shahara wajen fitar da zane mai kyau a jikin manyan riguna. Bashir ya fara koyon aikin da hanzari da kazar-kazar, amma bayan wasu watanni, sai ya fara karaya. A duk lokacin da ya kalli babban aikin da ke gabansa—yadda zai haɗa zare kala-kala, ya tsara zane, ya kuma saƙa babban gyauto.mai.ɗauke da.launuka daban-daban—sai ya ji zuciyarsa gaba ɗaya ta karaya. Yana ganin dai aikin ya fi ƙarfinsa, kuma.sam.ba zai taɓa ƙwarewa ba. Aikin yana tafiya a hankali, kuma sau da yawa yakan yi kuskuren sai an warware duk nisan da.aka yi kuwa. Wannan abu yana matuƙar bashi taƙaici. Wata rana, cikin tsananin fidda rai, ya jefar da abin da yake kan saƙawa a ƙasa ya ce wa malaminsa, ...
Read more